Колумбиядағы өрт үдеп барады

Колумбияда орман өрті 200 гектар алқапты шарпыды. Жалын туристер арасында танымал Вилья-де-Лейва қаласына жақындап қалған. Өртті сөндіруге екпінді жел мен күннің  ыстығы кедергі келтіріп жатыр. Оның үстіне жалын шарпыған аймаққа жету қиын. «Рейтердің» мәліметіне сай өрт сөндірушілер тілсіз жаудың 50 пайызын ғана бақылауға алған. Әзірге өрттің неден тұтанғаны белгісіз. Кейбір мәліметтерге қарағанда, ол қасақана қойылған болуы мүмкін.