2014 жылы елімізде жұмыссыздар саны кеміген

Еуразиялық интеграция институтының мамандары өткізген сараптама осылай дейді. 

Олар Қазақстанның барлық өңірлері мен ірі қалаларындағы ахуалды зерттеген.

Жалпы 2014 жыл жас мамандар үшін табысты өткен. Зерттеуге 14 облыс пен Астана және Алматы қалаларының тұрғындары қатысқан.

29 жасқа дейінгі жастарды жұмысқа қабылдау жағынан Оңтүстік Қазақстан облысы алда тұр. Мұнда 23328 жас маман жұмысқа тұрған.

11156 жасқа жұмыс ұсынған Шығыс Қазақстан облысы екінші болса, одан кейін 6345 адам жұмыспен қамтыған Алматы облысы.

Ең аз көрсеткіш Маңғыстау облысында тіркелген. Мұнда 1464 жас қызметке орналасқан.