Солтүстік Қазақстан мен Омбы облысы арасындағы әріптестікті дамыту туралы меморандумға қол қойылды

Көршілес болғандықтан алыс-беріс тоқтаған емес. Тек былтырғы қаңтар-қараша айларында тауарайналым 524,2 миллион долларға жетті.

Қазақстаннан негізінен ауыл шаруашылығы өнімдері экспортталса, жанар-жағармай мен газ, құбырлар мен қосалқы бөлшектер импортталады.

Болашақта әріптестікті нығайтып, сауда-саттықты күшейту үшін екі өңір басшылары келісімге қол қойды.

Кездесу барысында кәсіпкерлік, білім мен мәдениет, ғылыми-техникалық әріптестік саласында байланысты нығайту туралы да келісімдерге қол қойылды.

Ал, ресейліктер шағын және орта бизнес саласындағы ынтымақтастықты дамытуға мүдделі.

Сағындық СӘБИТҰЛЫ