Басты Жаңалықтар EXPO-2017 нысандарының құрылысы мамыр айында басталады

EXPO-2017 нысандарының құрылысы мамыр айында басталады

04.02.2014 08:30

EXPO-2017 көрме нысандарының құрылысы мамыр айында басталады. Бұл туралы Қоршаған ортаны қорғау және су ресурстары министрі Нұрлан Қаппаров Орталық коммуникациялар қызметіндегі брифингте хабарлады.

Қазір көрмеге келушілердің санын арттыру үшін ел ішінде және халықаралық деңгейде насихат жұмыстары қызу жүруде. Президент Жолдауында Назарбаев университеті аясында болашақ энергиясын зерттеу орталығын құру тапсырмасы жүктелген болатын.

Министрдің сөзінше, бұл орталықты университет жанындағы Энергетикалық зерттеулер институты базасында құру көзделуде.

Жиында сондай-ақ, елдегі су ресурстары туралы да айтылды. Су ресурстарын басқарудың мемлекеттік бағдарламасы қабылданса, су саласын басқаратын екі бірдей ұлттық компания құралмақ.

Нұрлан Қаппаров, ҚР Қоршаған ортаны қорғау және су ресурстары министрі:

Бірінші компания біздің министрлікте болады. Ол ұлттық компания үлкен су қоймаларымен жұмыс істейді.

Дулат АБИБУЛЛАЕВ

Бөлісу