Ақтөбелік шаруа жаңа израильдік суару қондырғысы арқасында мол өнім алуға ниетті

Шаруашылық алқапқа картоп тұқымын егіп болды. Қазір мұнда жаңа құрылғы орнатылып жатыр. Оның басты ерекшелігі – жерге сумен бірге тыңайтқыштарды да барынша тиімді сіңіруге болады.

Мұндай суару қондырғысы өңірде әзірге жалғыз. Сондықтан шаруаларға жаңа технологияның қыр-сырын үйрету үшін ресейлік мамандар қол ұшын беруде.

Кәсіпкер «Бизнестің жол картасы» және «Даму» бағдарламасы арқылы бөлінген қаржының арқасында шаруашылығын кеңейтті. Қойма салды, электр желісін тартты және 70 тонна сапалы тұқым сатып алды.

Жақсыбек КЕМАЛ