ҚР Президенті Н.Назарбаевтың ядросыз әлем бастамасына орай деректер мен дәйектер

Қазақ елі полигондағы құрлықаралық баллистикалық зымырандардың 1040 ядролық оқтұмсығы мен әуелік базадағы 370 ядролық зарядынан өз еркімен бас тартты.

Қазір Қазақ Президентінің ядролық қаруға қарсы қабылдаған тарихи шешімдеріне шегініс жасап көрейік.
• 1991 жыл, 29 тамыз. Нұрсұлтан Назарбаев Семей полигонын жабу туралы Жарлыққа қол қойды. Сөйтіп, Қазақ елі полигондағы құрлықаралық баллистикалық зымырандардың 1040 ядролық оқтұмсығы мен әуелік базадағы 370 ядролық зарядынан өз еркімен бас тартты.

• 1993 жыл, 24 қыркүйек. Семей сынақ алаңындағы ядролық қарулар инфрақұрылымын қауіпсіз түрде жою жөнінде Қазақстан мен АҚШ бірлескен келісімге қол қойды.

• 1995 жыл, 24 сәуір. Қазақстан аумағынан соңғы ядролық зарядтар шығарылды. 1996 жыл, 13 тамыз. Семей полигонының ғылыми-техникалық әлеуетін бейбіт мақсатта қолдану үшін Қазақстан Республикасының Ұлттық ядролық орталығы құрылды.

• Ал 1996-2000 жылдар аралығында сынақ алаңындағы 181 шұңқыр мен 13 ұңғыманы жабу жұмыстары жүргізілді.

Айбек ҚОБДАБАЙ