«Бір ел. Бір тағдыр» жалпыұлттық акциясы басталды

Акция аясында ұйымдастырылатын шаралар жастардың белсенділігі мен ауызбірлігінің мықты екенін көрсетті.

«Бір ел. Бір тағдыр» жалпыұлттық акциясы аясында ұйымдастырылатын шаралар жастардың белсенділігі мен ауызбірлігінің мықты екенін көрсетті. Мәселен, дәл осы айдармен жарияланған акцияға атсалысып, қозғалыстың сайтына суретін жүктегендер саны 65 мыңға жеткен.

Қазір El.kz порталында жеке суретті әрлеудің 16 түрлі нұсқасы орналасқан. Алайда, сіздің ұсынған нұсқаңыз бұл тізімді толықтыруы әбден мүмкін. Ол үшін өзіңіздің қазақы нақыштағы жұмысыңызды сайт поштасына жіберіңіз. Еңбегіңіз көпшіліктің ықыласына бөленіп жатса, тұрғындардың жеке суреттерін әрлеу үшін сайтқа орналастырылады.

Негізі «Бір ел. Бір тағдыр» Қазақ елінің азаттығының 25 жылына арналған. Яғни, мән-маңызы өте терең дүние. Осыған орай «Қазмедиа орталығында» үлкен флеш-моб өтті.

Айдана ҮСЕНБАЙ