Қазақстанда парламентаризм институтының қалыптасуы (КЕСТЕ)

Елдегі ең жоғарғы заң шығарушы органның алғашқы жалпы отырысы 1996 жылдың қаңтарында Алматыда өтті. Бұл жиынға Мәжіліс пен Сенаттан 67 депутат қатысып, палата төрағалары мен комитет жетекшілерін сайлады.

Осылайша басталған ел Парламентінің 20 жылдық тарихында 5 шақырылым жұмыс істеген екен. Алғашы екі шақырылымнан кейін үшінші шақырылым кезінде Мәжіліске сайланатын депутаттардың саны 77-ге жетсе, келесі төртінші шақырылымда Мәжіліске барлығы 107 депутат сайланған.

Ал, күні кеше мерзімінен бұрын тараған Мәжілісте 3 партияның өкілдері жұмыс істеді. Олардың 47-сі төртінші шақырылымда депутат болса, 5-ші шақырылымға жаңадан келген депутаттардың 30-ы инженер, 21-і педагог және 13-і заң саласынан.

Сондай-ақ, 5-ші шақырылымда жұмыс істеген депутаттардың арасында 2 академик, 17 ғылым докторы, 15 ғылым кандидаты болса, 60 депутаттың кем дегенде екі бірдей жоғары білімі болған.