Жаңалықтарды Telegram арнамыздан оқыңыз!Олар не айтып, нені хабарлады?
Осы аптада Президенттің Жолдауы әлем баспасөзінде де қызу талқыланды.
«Қазақстан экономикасы үшін жақсы заман аяқталды». Токиода шығатын «Дипломат» журналы Елбасының халыққа Жолдауы туралы мақаласын осындай тақырыппен жариялаған. Жапондық тілші Кэйси Митчель еліміз үшін бұрынғыдай арқаны кеңге салып жүретін уақыттың тәмамдалғанын Қазақстан Президентінің сөзіне сілтеме жасап хабарлап отыр.
Материал экономикалық ахуал туралы болғандықтан, онда теңге туралы да сөз қозғалған. Автордың ойынша, қазақ валютасының әлсіреуіне Еуразия континентінде таң қалуға болмайды.
«...Әрине, Қазақстан ақшасының құлдырауы Еуразияда ерекше құбылыс емес. Рубльдің құнсыздануы мен мұнай бағасының түсуі Орталық Азияның барлық валюталарын әлсіретті. Өзбекстан үкіметі девальцияны жеделдетуге кіріссе, Тәжікстанда мыңнан астам ақша айырбастау пункті жабылды...».
«Рейтер» де Нұрсұлтан Назарбаевтың Жолдауына қатысты хабарында Қазақстандағы қаржылық-экономикалық жағдайға айрықша тоқталған. Мақала қарашаның 30-да «Қазақстан валютаны еркін айырбастау саясатын қолдап, активтерін сатады» деген атаумен жарияланды.
Британдық халықаралық агенттік репортері Президент келтірген мәліметке жүгіне отырып, Ұлттық қордағы 63 миллиард 900 миллион доллардың енді теңгені қолдауға жұмсалмайтынын хабарлайды. Және де тілші Президенттің зейнетақы қоры туралы мәлімдемесінен де үзінді келтірген.
«Назарбаев бүгінде орталық банк басқаратын зейнетақы қорындағы 17 миллиард 800 миллион долларлық активтерді 2016 жылы жекеменшік және шетелдік менеджерлердің басқаруына көшіру қажеттігін айтты. Бұл – 2013 жылға дейінгі жүйеге қайтып оралуды білдіреді».
Президенттің «Қазақстан бүгін заң жүзінде Әлемдік сауда ұйымының толыққанды мүшесі болды» деген мәлімдемесі дүниежүзілік аудиторияға жедел тарады. «Назарбаев айтты: Қазақстан WТО-ның толық мүшесі...». Жолдаудан кейін ТАСС-тың ағылшын тілді сайтында жарық көрген мақаланың тақырыбы осындай. Ресейлік журналист Мемлекет басшысының мына сөздерін жариялап отыр.
«Әлем тез өзгеріп келеді. Екі негізгі держава арасындағы қарыластық пен өзара санкциялар дүниежүзін тығырыққа тіреп отыр. Қазақстан үшін сындарлы әрі оның мемлекеттігін күшейтетін, ел мүддесі үшін жұмылып, бірлікті сақтап, қажырлы еңбек ететін уақыт жетті».
Ал, түріктің «Хаберлер» басылымы Назарбаевтың Жолдауына Анкара мен Мәскеу арасындағы ұшақ дағдарысы тұрғысынан тоқталған. Назарбаев ұшақ дағдарысын шешу жолын ұсынды: екі мемлекет комиссия құрсын. Түркиялық сайтқа шыққан хабардың тақырыбы – осындай. Сонымен қатар, журналист Қазақстан мемлекет басшысының Ресей мен Түркия қатынастарын жақсартуға жылдар бойы атсалысқанын атап өтіпті.
Президенттің халыққа Жолдауы туралы материалдар қарашаның соңғы күндері Латын Америкасының, Парсы шығанағы мен Еуропаның, АҚШ-тың және өзге елдердің де бұқаралық ақпарат құралдарында жарық көрді.
Арыстан РЫСБЕК
Осы аптада Президенттің Жолдауы әлем баспасөзінде де қызу талқыланды.
«Қазақстан экономикасы үшін жақсы заман аяқталды». Токиода шығатын «Дипломат» журналы Елбасының халыққа Жолдауы туралы мақаласын осындай тақырыппен жариялаған. Жапондық тілші Кэйси Митчель еліміз үшін бұрынғыдай арқаны кеңге салып жүретін уақыттың тәмамдалғанын Қазақстан Президентінің сөзіне сілтеме жасап хабарлап отыр.
Материал экономикалық ахуал туралы болғандықтан, онда теңге туралы да сөз қозғалған. Автордың ойынша, қазақ валютасының әлсіреуіне Еуразия континентінде таң қалуға болмайды.
«...Әрине, Қазақстан ақшасының құлдырауы Еуразияда ерекше құбылыс емес. Рубльдің құнсыздануы мен мұнай бағасының түсуі Орталық Азияның барлық валюталарын әлсіретті. Өзбекстан үкіметі девальцияны жеделдетуге кіріссе, Тәжікстанда мыңнан астам ақша айырбастау пункті жабылды...».
«Рейтер» де Нұрсұлтан Назарбаевтың Жолдауына қатысты хабарында Қазақстандағы қаржылық-экономикалық жағдайға айрықша тоқталған. Мақала қарашаның 30-да «Қазақстан валютаны еркін айырбастау саясатын қолдап, активтерін сатады» деген атаумен жарияланды.
Британдық халықаралық агенттік репортері Президент келтірген мәліметке жүгіне отырып, Ұлттық қордағы 63 миллиард 900 миллион доллардың енді теңгені қолдауға жұмсалмайтынын хабарлайды. Және де тілші Президенттің зейнетақы қоры туралы мәлімдемесінен де үзінді келтірген.
«Назарбаев бүгінде орталық банк басқаратын зейнетақы қорындағы 17 миллиард 800 миллион долларлық активтерді 2016 жылы жекеменшік және шетелдік менеджерлердің басқаруына көшіру қажеттігін айтты. Бұл – 2013 жылға дейінгі жүйеге қайтып оралуды білдіреді».
Президенттің «Қазақстан бүгін заң жүзінде Әлемдік сауда ұйымының толыққанды мүшесі болды» деген мәлімдемесі дүниежүзілік аудиторияға жедел тарады. «Назарбаев айтты: Қазақстан WТО-ның толық мүшесі...». Жолдаудан кейін ТАСС-тың ағылшын тілді сайтында жарық көрген мақаланың тақырыбы осындай. Ресейлік журналист Мемлекет басшысының мына сөздерін жариялап отыр.
«Әлем тез өзгеріп келеді. Екі негізгі держава арасындағы қарыластық пен өзара санкциялар дүниежүзін тығырыққа тіреп отыр. Қазақстан үшін сындарлы әрі оның мемлекеттігін күшейтетін, ел мүддесі үшін жұмылып, бірлікті сақтап, қажырлы еңбек ететін уақыт жетті».
Ал, түріктің «Хаберлер» басылымы Назарбаевтың Жолдауына Анкара мен Мәскеу арасындағы ұшақ дағдарысы тұрғысынан тоқталған. Назарбаев ұшақ дағдарысын шешу жолын ұсынды: екі мемлекет комиссия құрсын. Түркиялық сайтқа шыққан хабардың тақырыбы – осындай. Сонымен қатар, журналист Қазақстан мемлекет басшысының Ресей мен Түркия қатынастарын жақсартуға жылдар бойы атсалысқанын атап өтіпті.
Президенттің халыққа Жолдауы туралы материалдар қарашаның соңғы күндері Латын Америкасының, Парсы шығанағы мен Еуропаның, АҚШ-тың және өзге елдердің де бұқаралық ақпарат құралдарында жарық көрді.
Арыстан РЫСБЕК
