Мемлекет басшысы Алматы облысының әкімі Амандық Баталовты қабылдады

Президент әкімге инвестиция тарту, шағын және орта бизнесті қолдау жөніндегі міндеттерді орындауды жалғастыра беруді тапсырды.

Мемлекет басшысы Нұрсұлтан Назарбаев Алматы облысының әкімі Амандық Баталовты қабылдады. Кездесуде аймақ экономикасын тұрақтандыру, мемлекеттік бағдарламаларды орындау, халықты жұмыспен қамту және тұрғындардың әл-ауқатын жақсарту жайы сөз болды.

Президент әкімге инвестиция тарту, шағын және орта бизнесті қолдау жөніндегі міндеттерді орындауды жалғастыра беруді тапсырды. Негізі облыстың әлеуметтік-экономикалық ахуалын дамыту үшін арнайы жоспар бекітілген. Ол жоспар 16 бағытты қамтиды.

Айбек ҚОБДАБАЙ