Байқоңырдан ғарышқа робот ұшырылды

Бүгін Байқоңырдан ғарыш станциясына «Союз» кемесімен гуманоидтық робот ұшырылды. Мұны осыдан бірнеше сағат бұрын «Роскосмостың» сайты хабарлады.

Пилотсыз ракета Мәскеу уақытымен таңғы сағат 6:38-де көкке самғады. Федор есімді робот старт алдында 1961 жылы сәуірдің 12-де Юрий Гагарин айтқан «Кеттік!» деген сөзді қайталаған.

«Союз» ракетасы 14 минуттан кейін орбитада болды. Ол екі күн ұшып, жоспар бойынша Халықаралық ғарыш станциясына сенбі күні жетуі керек.