Мозамбикте болған алапат дауылдан қаза тапқандар саны 38-ге жетті

«Кеннет» деп аталатын циклон елдің солтүстік аймақтарына соққы беріп, елді мекендерді су тасқыны жайлады. Ал, желдің жылдамдығы сағатына 280 шақырымға дейін жеткен. Салдарынан мыңдаған үйлер қирап, электр жарығы сөніп қалды. Пемба қаласы толықтай су қоршуында қалып, зардап шеккендерге жету қиынға соғып отыр. Биліктің айтуынша, қауіпті аймақта әлі 700 мыңдай адам бар. Қазір оларды эвакуациялап, көмек көрсету жолдары қарастырылып жатыр.

Жансая ҚАПАСҚЫЗЫ