Жаңалықтарды Telegram арнамыздан оқыңыз!Нью-Делиде ластанған ауаны тазартатын қару сынақтан өткізілді. Бұл тәжірибе Үндістан астанасындағы атмосферасы ең қатты нашарланған Ананд Вихар ауданында жасалды. Жаңа машина ауаға суды шашып, ондағы улы заттардың деңгейін төмендетуге жәрдемдеседі екен.
Елдің Қоршаған ортаны қорғау министрі Имран Хуссейннің сөзіне қарағанда, зеңбірек пішінді құрал енді бірнеше рет сыналып, ауадағы өзгерістер бақыланатын болады.
Айта кетсек, соңғы үш айда Нью-Делиде атмосферадағы улы заттар тым көбейгендіктен, тұрғындардың көздері жасаурап, тынысы тарылды. Ауаның мұнша ластануына көліктер мен құрылыс алаңдарынан тараған шаң-тозаң себепші.
Мақпал СЕРЖАНҚЫЗЫ
