Қырғызстанда ең жас әйел депутат қыз ұрлау мәселесін көтерді

Қырғызстанда ең жас әйел депутат парламентте қыз алып қашу мәселесін көтерді. Бұрынғы журналист Аида Касымалиева қыз-келіншектердің өмірін жақсартуға бар күшін салмақ. Оның сөзінше, елде әйелдерді қорғайтын заң қарастырылып, қажетті өзгерістер енгізілу керек. Себебі, қоғамда қыз ұрлау, кәмелетке толмағандармен отау құру және үйдегі зорлық-зомбылық жиілеп барады.

2013 жылы қыз алып қашуға тыйым салынғанына қарамастан, әлеуметтік желілерде бұл туралы видеолар жиі жарияланады. Ал, БҰҰ-ның мәліметіне жүгінсек, қырғыз елінде әр бесінші әйел алып қашу арқылы тұрмысқа шығады. Сондай-ақ, 18 жасқа толмаған әрбір оныншы қыз - күйеуде. Дегенмен, былтыр қарашада кәмелеттік жасқа толмағандармен неке қиюға тыйым салатын заң қабылған еді. Соның арқасында жағымды құбылыс байқалып, көптеген мешіттерде имамдар жасөспірімдерге үйленуге рұқсат етпейтін болған.

Мақпал СЕРЖАНҚЫЗЫ