Бангладеш астанасында мыңдаған адам Мьянмадағы рохинджа мұсылмандарын қолдап алаңға шықты

Плакаттар ұстап, ұрандатқан демонстранттар «рохинджалықтардың құқықтары қорғалу керек», деп отыр. Соңғы келіп түскен мәліметтерге қарағанда, қазір Бангладештегі босқындарға шет елдерден гуманитарлық көмек жекізіліп жатыр. Дегенмен, босқындарға тамақ пен ауызсу жетпей жатыр.

Айта кетейік, тамыздың 25-де басталған рохинджа мұсылмандары мен полиция арасындағы қақтығыстардан Мьянмадан Бангладешке 410 мыңға жуық босқын қашқан. Зорлық-зомбылық Ракхайн штатының солтүстігінде әлі күнге дейін өршіп тұр.

Мақпал СЕРЖАНҚЫЗЫ