Жаңалықтарды Telegram арнамыздан оқыңыз!«Apple» компаниясы жаңа смартфондарын таныстырды. Солардың ішінде iPhone X өз қожайынының түрін инфрақызыл сканермен таниды. Ал, егер танымаса - ашылмайды. Құны - 1000 доллар шамасында. Бұл телефонның рим цифрымен аталуы алғашқы «iPhone»-ның 10-жылдығына байланысты.
Сонымен қатар, компания шамамен 700 доллар тұратын iPhone 8 және iPhone 8 Plus смартфондарын да көрсетті. Олар - былтырғы модельдердің жетілдірілген нұсқалары. Бұл байланыс құралдарының ерекшелігі сол - олардың қуаттандырушысы сымсыз.
Жоспар бойынша, iPhone X қарашаның 3-де, ал, iPhone 8 бен iPhone 8 Plus қыркүйектің 22-де сатыла бастайды.
Мақпал СЕРЖАНҚЫЗЫ
