iPhone 6 смартфоны Қазақстанда қараша айынан бастап сатылымға түседі

Қазақстанда iPhone 6 смартфонының ресми сатылымы қараша айында басталуы мүмкін, деп хабарлады BFF.kz дүкендер желісінің жетекшісі, Apple компаниясының ресселері Ұлан Қаражігітов.

«iPhone 6 Қазақстанда ресми түрде сатылымға қараша айында түсуі мүмкін. Ал, бағасы бойынша нақты ақпарат жоқ. Бірақ, iPhone 5S үлгісінен аса қымбат болмайды, деп отырмыз, шамамен 160 мың теңге болуы мүмкін», - деді Ұлан Қаражігітов.

Еске сала кетейік, 9-шы қыркүйекте Apple компаниясы  iPhone 6 және iPhone 6 Plus смартфондарының таныстырған болатын.

ҚазАқпарат