Қазақстанда төртінші мұнай өңдеу зауыты салынбайтын болды - «Qazaqstan» Ұлттық телеарнасы

Қазақстанда төртінші мұнай өңдеу зауыты салынбайтын болды

07.10.2014
Қазақстанда төртінші мұнай өңдеу зауыты салынбайтын болды

Елбасы елімізде төртінші мұнай өңдеу зауытын салмай-ақ, оның орнына Шымкенттегі зауытты кеңейту туралы Үкіметтің ұсынысына қолдау білдірді.

Бұл туралы бүгін Парламент Мәжілісінің Экология және табиғатты пайдалану комитетінің кеңейтілген отырысында Энергетика вице-министрі Ұзақбай Қарабалин мәлім етті.

Естеріңізде болса, Елбасы Қазақстандағы үш мұнай зауытының шығаратын өнімі еліміздің жағармайға деген қажеттілігінің тек 70 пайызын қамти алатынын, сондықтан төртінші зауыт салу мәселесін қарастыруды айтқан болатын.

Вице-министр қолдағы бар зауыттар жөнделіп жатқанын, 2016 жылға қарай әрқайсысы 18,5 миллион тонна сұйық отын өндіре алатынын айтты.

Нұрбек БЕКБАУ

 

 

Хабарламаларға жазылу