«Samsung» «Apple» өнімін көшіргені үшін 548 млн доллар өтемақы төлейтін болды

Америкалық компания оңтүстік кореялықтардың көшірме жасағанын дәлелдеді. Осылайша, «Samsung» «Apple»-ға өнімін көшіргені үшін 548 млн доллар өтемақы төлейтін болды. Америкалық алып - бәсекелесін айфонның патенттелген 5 ерекшелігін ұрлады деп айыптады.

Атап айтқанда, дизайны, интерфейсті графикалық әрлеуі, технологиялық 3 қабілеті бірдей болып шыққан. Осының бәрін мойындатқан «Apple» «Samsung» компаниясынан екі жарым миллиард доллар өндіріп алуды жоспарлаған. Бірақ, сот шешімімен оңтүстіккореялық гаджет өндіруші 548 млн доллар аударатын болды.

Индира ТҰРСЫНБАЙ