АҚШ-та ұшуға дайындалып тұрған ұшақ отқа оранды

Оқыс оқиға Флориданың халықаралық терминалында болған.

Каракасқа аттанғалы тұрған лайнер ұшып-қону алаңына шыққан кезде оның сол жағындағы қозғалтқышы жана бастаған.
Барлық жолаушылар дереу үрлемелі трамппен эвакуацияланды. Алайда, 15 адам жарақат алған. Зардап шеккендердің біреуі ауруханаға жеткізілді. Ал жалпы, бортта 116 адам болған.

Құзырлы органдардың мәлімдеуінше, өртенген ұшақ осыдан 29 жыл бұрын шығарылған.

Мадина МҰҚАНОВА