Хорватияның Опатовац қаласындағы мигранттар қатарында 105 жастағы ауғанстандық кейуана бар

Ауғанстаннан алыс сапарға аттанған әжей Швецияға жетіп, сол жерде бақытты өмір кешуді армандайды.

Бибихал Мирзаи отбасымен бірге Хорватияға Сербия аумағынан өткен. Ауғанстаннан алыс сапарға аттанған әжей Швецияға жетіп, сол жерде бақытты өмір кешуді армандайды. Сондықтан, осы лагерьде тіркеуден өткен соң, Бибихал туыстарымен бірге қайта жолға шықпақ.

Таяуда хорват Ішкі істер министрлігі Опатовац қаласындағы мигранттар лагерінде қазір 2 мыңға жуық адам бар екенін мәлімдеген.

Мадина МҰҚАНОВА