Түркия жаңа әскери ұшақ жасауға кірісті

Түріктер өздерінің отандық әскери ұшақтарын 2023 жылы жасап шығаруды жоспарлап отыр. Қазірдің өзінде болашақ ұшақтың қандай болатындығы анықталып, консцепт нұсқасы бекітілді.
Түркия әскери әуе кұштері мен «TUSAŞ Havacılık ve Uzay Sanayi» компаниясы арасында жүргізілген келіссөздер нәтижесінде жаңа әскери ұшаққа қос мотор орнатылатын болып шешілген. Шартты түрде FХ-1 деп аталатын ұшақтың концепт үлгісі үстіміздегі жылы жасалмақ. Бірақ, алғашқы ұшақ 2023 жылы Түркия республикасының 100 жылдығы қарсаңында конвейерден шығатындығы мәлім болды. FХ-1 ұшағының ең басты ерекшелігі–оны түрік конструкторлары ойлап тауып, барлық бөлшектері Түркияда жасалып, жаңа ұшақ 1989 жылдан бері Түркия қарулы күштерінің ең негізгі ұшағы саналатын F-16 ұшағын алмастыратындығы айтылуда. Алайда, F-16 ұшағының көптеген бөлшектері НАТО елдерінен алынып, Түркияда тек құрастыру жұмыстары жүргізілетін. Ал, FХ-1 түрік инженерлерінің өз туындысы.