Қытайда көмір кенішінде газ жарылып, 22 адам қаза тапты

Қытайдың Чунцин провинциясындағы көмір кенішінде газ жарылып, 22 адам сол жерде жан тапсырды. Бұл туралы мемлекеттік «Синьхуа» агенттігі хабарлап отыр. 1 кенші жараланған.

 

Құтқарушылар 5 адамды аман алып қалды. Оқыс оқиға кезінде шахтада  барлығы 28 кенші болған. Қытайдың тау-кен өндірісі  дүниежүзі бойынша ең қауіпті саналады.

 

Осы елде жыл сайын кеніштегі апаттардан мыңдаған адам қаза табады. Төтенше жағдайларға көбінесе қауіпсіздік техникасының сақталмауы себепші.

 

Арай ТӨЛЕГЕНҚЫЗЫ