Испанияны антимонархиялық шерулер жайлады

Испания королі Хуан Карлос тақтан бас тартқаны туралы хабар тараған соң, елді бірден антимонархиялық шерулер жайлады. Мадрид, Барселона және өзге де қалаларда көшеге шыққан мыңдаған адам мемлекетте республикалық басқару тәртібін енгізу жөніндегі референдум өткізуді талап еткен. Халық «Испания республика болуы керек!» деп ұрандатты.

 

Айта кетсек, дүйсенбі күні 76 жастағы монарх тақтан бас тартып, билік тізгінін баласы Филипе ханзадаға тапсыратынын жариялаған болатын. Оның мәлімдеуінше, ол мұндай қадамға «жастарға жол ашу» үшін барған. Дегенмен, Хуан Карлос бұл шешімді корольдық отбасы жемқорлық үшін айыпталғандықтан да қабылдаған болуы мүмкін.

 

 

 

Мадина МҰҚАНОВА