Еуропа Кеңесінің парламенттік ассамблеясындағы Ресей делегациясының өкілеттігі қайтарылды

Еуропа Кеңесінің парламенттік ассамблеясындағы Ресей делегациясының өкілеттігі қайтарылды. Бұл туралы Францияда өткен ұйым отырысында жарияланды.

Дегенмен, Украина мұндай шешімге наразылық білдіріп отыр. Киевтің айтуынша, бұл Ресейге қарсы санкциялардан бас тартып, Қырым мен Донбасс мәселелері бойынша Мәскеуге жеңілдік беру дегенді білдіреді. Сондықтан, Украина өкілдері ассамблея мүшелігінен бас тартты. Бұдан кейін, ұйымнан тағы 6 ел шығып кетті. Олардың ішінде Эстония, Грузия, Латвия, Польша, Словакия бар.

Айта кетсек, Ресей делегациясы парламенттік ассамблеяда дауыс беру құқығынан 2014 жылғы Қырымды аннексиялағаны үшін айырылған еді.

Жансая Қапасқызы