Нұрсұлтан Назарбаев Еуразиялық үкіметаралық Кеңес мүшелерімен кездесті

Елбасы жиынның «ЭКСПО» халықаралық көрмесімен тұспа-тұс келіп отырғанына ерекше тоқталды. «Еуразиялық экономикалық одақтың жұмыс істеп жатқанына биыл үшінші жыл. Бұл кезең әлемдегі және одаққа мүше елдердің ұлттық экономикасындағы күрделі ахуалдарға байланысты болып отыр. Сондықтан, ортақ нарық пен бірыңғай экономикалық құрылым құру - басты фактор»,- деді Президент. «Экономиканың өсімі елдер арасындағы тауар айналымының артып, өзара қарым-қатынастардың нығаюына тікелей байланысты» деген Елбасы Кеңес мүшелерінің жұмысына жоғары баға берді.