Астана мен Амман әріптестігі арта түсті

Астана мен Амман қалалары серіктестікке серпін бермек. Бүгін елорда әкімі Әсет Исекешев «ЭКСПО» көрмесі аясындағы Иорданияның ұлттық күніне қатысуға арнайы келген Амман қаласының муниципалды комитетінің төрағасы Юсуф Аль Шауарибпен кездесті. Тараптар тәжірибе алмасуға мүдделі. Себебі, Астана мен Амман - ұқсас қалалар. Екі шаһарда да қазір «ақылды қала» жобасы жүзеге асырылып, саябақтар мен қала көшелерін жасылдандыру жұмыстары қызу жүруде. Иордания делегациясы Астанадағы мәдениет және білім ошақтарын да аралап көрді.

Дулат АБИБУЛЛАЕВ