Депутат Азат Перуашев допингпен ұсталғандарды жазалау мәселесін көтерді

Енді спорт саласында қаржыландыру жүйесі өзгереді. Бүгін Мәжіліс тиісті құжатты бірінші оқылымда мақұлдады. Онда қаржыны министрлік, олимпиадалық комитет емес, тиісінше, федерациялардың өздеріне тапсырмақ. Депутаттар бұқаралық спортты дамыту керектігін айтты, өйткені, дәл осы спорт түрі кенжелеп қалды. Депутат Азат Перуашев болса, допингпен ұсталғандарды жазалау және қаржыны мемлекетке қайтару мәселесін көтерді.