Жаңалықтарды Telegram арнамыздан оқыңыз!Шанхай ынтымақтастығы ұйымына мүше елдердегі терроризм және экстремизм мәселелері, заңсыз есірткі айналымымен күрестегі өзара іс-қимылдар. Бұл мәселелер бүгін осы елдердің Қауіпсіздік кеңесі хатшыларының Душанбеде өткен 9-шы кездесуінде сөз болды.
Қазақстан тарапынан отырысқа Президенттің көмекшісі Қауіпсіздік кеңесінің хатшысы Қайрат Қожамжаров қатысты. Ол ұйым аясында аталған мәселелер бойынша Қазақстанда қандай жұмыстар жасалып жатқанын баяндады.
Делегация басшыларын Тәжікстан Президенті Эмомали Рахмон қабылдады. Сондай-ақ, Қайрат Қожамжаров Қытай Мемлекеттік кеңесінің мүшесі, Қоғамдық қауіпсіздік министрі Го Шэнкунмен де келіссөздер өткізді.
Дулат АБИБУЛЛАЕВ
