Бурабайда ТМД Үкімет басшыларының кеңесі өтті (толығырақ)

Тәуелсіз Мемлекеттер достастығы елдері Үкімет басшылары кеңесінің келесі отырысы биыл 30-қазанда Тәжікстан астанасы Душанбеде өтеді.

Бұл шешім бүгін Бурабай баурайында өтіп жатқан Кеңес отырысында қабылданды.

Қазақстан Үкімет басшысы Кәрім Мәсімовтің төрағалығымен өткен алқалы жиында бірқатар өзекті мәселелер қаралып, 20 маңызды құжаттың тұжырымдамасы бекіді.

Кеңейтілген келелі кеңесте тараптар алдымен қаржы-экономикалық саладағы өзекті мәселелерді шешу жөніндегі ТМД мемлекеттерінің бірлескен іс-қимыл жоспарын қабылдады.

Ал, халықаралық байланыс тасымалын жүзеге асыруға қатысты ТМД-ға мүше елдердің аумағында көлік қауіпсіздігін қамтамасыз ету стратегиясы бекітілді.

Алмат ӘБДІРАМАН