Жаңалықтарды Telegram арнамыздан оқыңыз!Маңғыстаудың шөл даласынан бір топ аққу табылды. Ен далада шөлден әлсіреген құстарды Боранқұл ауылының тұрғыны байқаған.
Ол аққуларды үйіне әкеліп, суармақ болғанымен, олар адам қолынан су ішпепті. Құстарға маманның көмегі керегін түсінген тұрғын дереу құзырлы органдарға хабар берді. 10 аққудың 4-еуі өз бетінше ұшып кеткен. Тағы 3-еуі шөлге шыдамапты. «Қызылсай» мемлекеттік өңірлік табиғи паркінің инспекторлары қалған 3 аққуды Ақтау қаласына әкеліп, Қаракөл көліне жіберді.
Ізжан Қалқанов, «Қызылсай» мемлекеттік өңірлік табиғи паркі «Көлеңкелі» қаумалының басшысы:
Жол бойы аққулардың жағдайын қарап отырдық, су шашып, тамақтандырып. Келген аққулардың денсаулығы жақсы.
Аягөз ОРАЛБАЙҚЫЗЫ
