Еліміздің бірқатар өңірінде қатты ыстық болады

Қазақстанда шілденің шіліңгір ыстығы басталды. Синоптиктер қатарынан бірнеше облыста ауа райына қатысты дабылды ескерту жариялады. Алдағы күндері елдің басым бөлігінде сынап бағанасы +40 градусқа дейін көтеріледі деп болжануда.

Тіпті, Қызылорда облысында ауа температурасы +42 градусқа дейін жетеді. Ал Түркістан өңірінде 3 күн қатарынан қатты ыстық болады. +43 градусқа дейін көтерілмек.

Есесіне елдің шығысында бұршақ жауып, найзағай ойнайды, дауыл тұрады. Желдің екпіні секундына 25 метрге дейін жетпек.

Асима НҰРБАЙҚЫЗЫ