Елбасы кітапханасында ардагерлермен кездесу өтті

Ешкім де, ештеңе де ұмытылмас. Елбасы кітапханасында ІІ Дүниежүзілік соғыс ардагерлерінің ерлігі ұлықталған кездесу өтті. Іс-шараға «Жас ұлан» мектебінің сарбаздары мен колледж студенттері қатысты.

Аға буынның батылдығы мен қайсарлығын жас ұрпаққа дәріптеу мақсатында өтікізілген әңгімелесу кешіне тарихшылар мен зерттеуші ғалымдар қатысты. Іс-шара аясында жауға қарсы тойтарыс берудегі қазақ елінің үлесі талқыланып, майдан даласында ерен ерлік көрсеткен батырлардың өмірбаяны айтылды. Жастар мен аға буынның арасында өткен ой талқы барысында бірнеше көркем фильм де көрсетілді.

Фариза МҰСАҚЫЗЫ