Құрылғы алғашқы сынақтардан ойдағыдай өтті. Бәсекелестерінен басты артықшылығы бағасында. Оның құны әлемге әйгілі компаниялардың өнімдерінен бірнеше есе арзан болмақ.
Бұл робот бір өзі 2-3 адамның жұмысын атқара алады. Әсіресе, үлкен алаңқай жерлерді жақсы тазалайды. Жан-жағына орнатылған сенсорлар арқылы кез келген кедергіні, адамдарды көріп, айналып өтеді.
Николай Потапов, «Автономные технологий кз» ЖШС директоры:
- Толық қуатталса, 1 сағат бойы тоқтаусыз жұмыс істей алады. Ал, егер қуаты немесе суы таусылып жататын болса, өзі автоматты түрде базаға қайтады. Бір ғимаратқа 5-6 робот жіберсе, олардың жұмысын қадағалау үшін 1 адам жеткілікті.
Роботтар шикізат пен энергияға да үнемді. Алдымен су шашып, еденді ысып, жуады. Сосын, кір суды қайта жинап алады да ішінде тазартып, екінші рет пайдаланады. Бір-бірімен байланыса алатындай жасанды интелектпен де жабдықталған.
Әлібек Қабылбай, «Tech Garden» дербес кластерлық қорының басқарушы директоры:
- Экспортқа шығарылатын бұл өнім қазақстандық өнім болып шығарылады. Қазірдің өзінде осы роботқа сұраныс өте үлкен. Бүгінгі таңда роботқа 600-ге дейін сұраныс келіп түсті.
Жаппай өндіріске шығарылатын күні де алыс емес. Зауыт Алматы облысында жасақталмақ. Кейін Жібек жолы арқылы кәрі құрлыққа да сату жоспарда бар.
Оңғар АЛПЫСБАЙҰЛЫ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.