Басты Жаңалықтар Маңғыстауда агроқалашық салынады

Маңғыстауда агроқалашық салынады

12.06.2014 05:30

Маңғыстау облысында агроқалашық бой көтереді. Жергілікті мамандар Беларусь елiне барып, ол жақтағы агроқалашықтардың тәжiрибесiмен танысып қайтты. Қазірдің өзінде өңірде түйе өсiру және шұбат өндiру бойынша үлкен база қалыптасқан.

Жалпы, азық-түліктің бағасы бойынша Маңғыстау ең қымбат облыстардың бірі. Өңірдегі климаттық жағдайға байланысты жергілікті өнiмдердің үлес салмағы төмен.

Сондықтан, азық-түлiктердiң шамамен 85 пайызы сырттан әкелiнедi екен. Ал, мұндай жобаның тұрғындарды жергілікті өніммен қамтамасыз етуде маңызы зор болмақ.

Шолпан Илмұханбетова, Маңғыстау облысы әкімінің орынбасары:

Агроқалашық Еуразиялық экономикалық одақ аясындағы бiрлескен жобалардың бірі болмақ. Қазірдің өзінде облыс аумағында 300-ге жуық бірлескен кәсіпорын жұмыс істейді. Жыл басынан бері мұндай кәсiпорындардан 50 миллион теңгеге жуық салық түсті.

Шынар АСАНҚЫЗЫ

Бөлісу