V Халықаралық конгресc басталды

Астанадағы Тәуелсіздік сарайында V Халықаралық тау-кен металлургия конгресі басталды. Конгресc жұмысына әлемнің 30 елінен мыңға жуық делегат, 50-ден астам компания қатысуда.

 

Ғалымдар мен сарапшылар екі күн бойы «Жаңғырту – әлем нарығының тұрақсыздығы жағдайында тау-кен металлургия кешенін дамытудың негізгі факторы» деген тақырыпты талқылайды.

 

Негізгі жиын Үкімет басшысы Кәрім Мәсімовтің төрағалығымен ертең өтеді. Ал бүгін конгрес аясында ұйымдастырылған көрменің ресми ашылу салтанаты болды. Шетелдік қонақтар елуге жуық компанияның өнімдерін аралап көріп, жұмыс жоспарымен танысуға мүмкіндік алды.

 

V конгрестің басты жаңалығы - қазақстандық тараптың немістердің «VOLKSWAGEN AG» компаниясының өкілдерімен келіссөз жүргізуі.

 

Бақтыбай Қасымбеков, ҚР ИЖТМ Өнеркәсіп комитетінің төрағасы:

Бізде өндіріліп жатқан өнімдерді басқа мемлекеттерге қалай шығару мәселесі қаралады. Мысалы, немістердің «VOLKSWAGEN AG» компаниясының өкілдерімен үлкен келіссөз жүргізіліп жатыр. Ол зауытта жылына 7,5 миллион көлік шығарылады екен. Ал оларға керекті көптеген металдар бізде өндіріледі. Олар алюминийді бізден сатып алуға мүдделі екендіктерін айтты.

 

 

Досымжан ЕРМҰРАТ