Ақтауда мемлекеттік басқарма мен шетелдік компания арасында дау шықты. Тараптар келісімшарт талаптарын орындамағаны үшін соттасып жатыр. Ақтау электр желілері басқармасы облыс орталығына 7 мыңнан астам жарық шам орнату үшін шетелдік компаниямен келісімге келген. Жарық шамдар Каспий маңы елдерінің 5-саммиті алдында 25-шілдеге дейін орнатылуы тиіс болған. Алайда, қытайлық мекеме небәрі 2 мың шамды тамыздың ортасында бір-ақ жеткізген. Тапсырыс уақытында орындалмаған соң жергілікті әкімдік сотқа жүгінді. Бірақ, жеңіліп қалды.
Жангелді Әубәкіров, Ақтау қаласы әкімінің орынбасары:
- Қытай компаниясы қаржы жағынан шығынға ұшырағанын алға тартып бірнеше дәлел келтірді. Біз де әрекетіміздің заңды болғанын дәлелдедік. Қала әкімдігі соттың бұл шешіміне шағым келтіруге шешім қабылдады. Желтоқсанның 21-інде қайта шағым түсірдік.
Аягөз ОРАЛБАЙҚЫЗЫ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.