Басты Жаңалықтар «Астаналық жол картасы» қабылданбақ

«Астаналық жол картасы» қабылданбақ

10.06.2014 08:30

Биыл қараша айында Энергетикалық хартияның «Астаналық жол картасы» қабылданбақ. Бұл туралы бүгiн Мұнай және газ министрi Ұзақбай Қарабалин мәлiмдедi.

Оның айтуынша, құнды құжатта Энергетикалық хартияның алдағы 5 жылда қандай бағытта дамитыны мен нендей сұрақтарға басымдық беру керек екендiгi белгіленеді. «Астаналық жол картасы» еліміздің дүниежүзі энергетикасында үлкен нарыққа ие екенін және энергетика өндірісінде ойып алар орны бар екенін дәлелдейтін құжат.

Ал, Энергетикалық хартияның кезекті 25-інші сессиясы қараша айының 26-27 күндері Астанада өтеді. Оған хартияға мүше 50 елден бөлек қадағалаушы мемлекеттер мен халықаралық ұйымдардың өкілдері қатысады.

Жалпы хартия әлемдегі әлеуетті елдер арасындағы энергетикалық ынтымақтастықты арттыру мақсатында құрылған ұйым.

Урбан Руснак, Энергетикалық хартияның бас хатшысы

2014 жылы Қазақстанның Энергетикалық хартияға төрағалық етуі бекер емес. Өйткені, Қазақстанның бізге ұсынар тың идеялары көп. Қазақ елінің көтерер жаңа бастамалары хартияның жұмысын жандандыра түсетініне сенімдімін.

Айдана ҮСЕНБАЙ

Бөлісу