Жаңалықтарды Telegram арнамыздан оқыңыз!
«Еуразиялық экономикалық одақтың құрылуы арадағы алыс-берісті одан әрі жандандыра түседі», дейді Қорған ауыл шаруашылығы академиясының ректоры Павел Подгорбунских.
70 жылдың ішінде бұл жоғары оқу орнын 5000 қазақстандық тәмамдаған екен. Ал, Кеңес үкіметі ыдырап, Тәуелсіздік алғаннан кейін 600 қазақстандық жас агроном, экономист мамандығын алған.
Сондықтан, екі арадағы байланыс тек экономикалық пайданы ғана көздемейді, білім мен ғылым саласындағы әріптестікті де нығайтатытынына сенімді.
Павел Подгорбунских, Қорған ауыл шаруашылығы академиясының ректоры:
Қазіргі таңда Қазақстаннан 130 студент білім алып жатыр. Негізінен агроном мамандығында оқиды, сондай-ақ, экономистер мен бухгалтерлер де даярлануда. Біздің академияны бітірген екі қазақстандық Социолистік Еңбек ері атанды. Бұл - біз үшін мақтаныш. Қазақстанмен білім мен ғылым саласындағы қарым-қатынас ертеден бар және ары қарай да жалғаса береді, деп ойлаймын.
Сағындық СӘБИТҰЛЫ
