Жаңалықтарды Telegram арнамыздан оқыңыз!
Еуразияның 50 мемлекетінің басын біріктіріп отырған Энергетикалық Хартияға биыл біздің ел төрағалық етуде.
Қазақстан эстафетаны Грузияға берер алдында Елордада Хартияның жиынын өткізеді. Осы конференцияда Энергетикалық Хартияның жаңа декларациясы қабылданады.
«Астана жол картасы» деп аталатын маңызды құжат ұйымды жаңа деңгейге көтеріп, абыройын асқақтатады», дейді Урбан Руснак.
Бас хатшы енді осы құжатқа Еуразиялық экономикалық одақтың қосылғанын қалап отыр.
Урбан Руснак, Энергетикалық Хартияның Бас хатшысы:
Бұл құжатты әзірлеуге әлемнің біраз елі қатысты. Энергохартия саяси декларация іспеттес болғандықтан, мұны Еуропалық елдерден бөлек, Еуропалық одақтың институттары да бекіткен болатын кезінде. Енді біз осы процеске Еуразиялық экономикалық одақ та қосылып, интеграциялық бірлестік Энергохартияның ережелері мен қағидаттарын қабылдайды, деген сенімдеміз. Өйткені, жаңа бірлестік энергетика саласындағы бәсекелестікті арттыруды көздеп отыр. Демек, Энергохартиямен Еуразиялық экономикалық одақтың осы саланы жетілдіруде ынтымақтасуы - өте маңызды.
Нұрсулу ҚАСЫМ
