«Самұрық-Қазына» биыл 16 ірі жобаны іске қосады

Жыл соңына дейін Ерейментау қаласының маңында қуаттылығы 45 мегаватты құрайтын жел-электр станциясы іске қосылады. Станция ЕХРО қалашығын электр энергиясымен қамтамасыз ететін болады. Бұл туралы «Самұрық-Қазына» Ұлттық әл-ауқат қорының бизнесті дамыту директоры Берік Бейсенғалиев хабарлады.

 

Жалпы «Самұрық-Қазына» алдағы екі үш жылда құны 26 миллиард доллардың бірнеше жобасын іске қосады. Сондай-ақ, ЕХРО қалашықтан жалпы ауданы 135 мың шаршы метр болатын нысан салу жұмыстарын бастады. Оның жартысы тұрғын үй кешені болса, қалған бөлігі әкімшілік ғимараттар.

 

Қордың басқарма төрағасы Өмірзақ Шүкеевтің төрағалығымен өткен жиында инвестициялық саясатты жүзеге асырудың өзекті мәселелері талқыланды. Оған еншілес 12 ірі компанияның басшылары қатысты. Қазір «Самұрық-Қазына» портфелінде жұмыс істеп тұрған 163 жоба бар болса, биыл тағы бірнеше жоба іске қосылып, 9 мың тұрақты жұмыс орнын ашады.

 

Берік Бейсенғалиев, «Самұрық-Қазына» Ұлттық әл-ауқат қорының бизнесті дамыту директоры:

2014 жылы жалпы сомасы 3 миллиард доллар тұратын 16 жобаны іске қосамыз деп отырмыз . Олардың ішінде Атырау мұнай өңдеу зауытын реконструкциялау бар. Еуро 4-5 жанармайларын шығаратын болады.

 

 

Дулат АБИБУЛЛАЕВ