Жаңалықтарды Telegram арнамыздан оқыңыз!Оқыс оқиға. Павлодардың іргесіндегі Жаңауыл елді мекенінде екі бала тоққа түсіп, қайтыс болды. Олардың бірі 12-де, екіншісі 14 жаста. Дерекке қарағанда жоғары кернеулі сымдардың сыртында биіктігі алты метрлік қоршау болған. Балалар өзара бәстесіп, сымға алдымен қол тигізбек болған ересектеуі, тыйым салынған аумаққа кіреді. 6 киловольттық электр қуаты жеткіншекті бірден күйдіріп жіберген. Металл қоршауды ұстап тұрған екіншісі де сол арада тіл тартпай кетті.
Олеся Емельянова, «Павлодарэнерго» АҚ Қоғаммен байланыс бөлімінің жетекшісі:
- Екі жасөспірім ойын кезінде «Солтүстік өндірістік» подстанциясының 6 киловольттық электр желісінің сымына қол созған. Салдарынан екеуі де көз жұмды. Толық ақпарат арнайы комиссияның шешімінен кейін белгілі болады.
Болат АМАНБАЕВ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
