Басты Жаңалықтар Шетелдік инвесторлар Қазақстан экономикасына қаржы құюға дайын

Шетелдік инвесторлар Қазақстан экономикасына қаржы құюға дайын

11.04.2014 08:30

«Кәсібіңнен нәсіп көргің келсе, Қазақстанға кел. Мұнда шетелдік инвесторларға да қолайлы жағдай жасалған». Санмаринолық Джанни Помпони Қазақ елін әріптестеріне осылай жарнамалап жүр.

Кәсіпкер былтыр күзде Елордадан мейрамхана, пицеррия ашыпты. Жарты жылда жақсы пайда көргенін айтады. Ендігі мақсаты - кәсібін кеңейтіп, Астана мен Алматы қалаларында мейрамханалар желісін көбейту.

Джанни Помпони, кәсіпкер (Сан-Марино):

Мен дәл осындай пиццерия мейрамханасын Франция мен Бразилияда аштым, алдымен. Дегенмен, ол жаққа қарағанда Қазақстанда инвесторлар үшін қолайлы жағдай жасалған. Салық аз, пайда көп. Қазақ еліндегі инвестициялық климаттың тартымдылығы қазір Еуропадағы кәсіпкерлердің көбісін қызықтырып отыр. Оның үстіне Президент Нұрсұлтан Назарбаев биылғы Жолдауында шетелдік инвесторлар үшін біраз жеңілдіктер жасалатынын айтты. Сондықтан, біз Қазақстан экономикасына инвестиция құйып қана қоймай, өзіміз де қыруар пайдаға кенелеміз.

Нұрсұлу ҚАСЫМ

Бөлісу