Жаңалықтарды Telegram арнамыздан оқыңыз!Елбасы ертеңнен бастап 2015 жылдың 1 қаңтарына дейін Қазақстанда орта және шағын бизнес субъектілерін тексеруге мораторий жарияланатынын айтқан болатын. Президент жоспарлы тексеру тәжірибесі алынатынын айтты.
«Мемлекеттік органдар менің Әкімшілігіммен келісе отырып, тексерулерді анықтаудың объективті, әлемдік стандарттарға сай келетін жүйесін жасайды. Сол жүйеге сәйкес, 2015 жылдың 1 қаңтарынан бастап, заңнамаларды бұзу ықтималдығы жоғары кәсіпкерлер ғана тексерілетін болады. Егер кәсіпкер заңның барлық талабын орындайтын болса, тексеруші органдар оған мүлдем келмеуі тиіс», - деді Елбасы.
Мемлекет басшысының айтуынша, тексерулер жүргізу форматын түбегейлі қайта қарау кәсіпкерлерге қойылатын талаптар санын 30 пайыздан артыққа қысқартуға мүмкіндік береді. Бұл бастаманың арқасында енді бизнестің тамырына қан жүгіреді, дейді кәсіпкерлер.
Асқар Біләлұлы, кәсіпкер:
Осы бизнесте жүргеніме 15 жыл болды. Жыл сайын 200-300 тексеру болатын. Мораторий жарияланатынын естіп, қуанып кеттік. Елбасыға шын жүректен алғысымды айтамын. Енді бизнесіміз алға қарай дамиды деп ойлаймыз.
Индира БЕГАЙДАР
