Басты Жаңалықтар Кәсіпкерлерді заңсыз тексеруді тоқтату ескертілді

Кәсіпкерлерді заңсыз тексеруді тоқтату ескертілді

20.03.2014 08:00

Елбасының шағын және орта бизнес субьектілеріне тексеру жүргізуге жариялаған мораторийіне байланысты Атырау облыстық прокуратурасы дөңгелек үстел өткізді. Жиынға кәсіпкерлік нысандарына тексеріс жүргізуге құзырлы орган басшылары және бизнес саласының өкілдері қатысты.

Басқосуда прокурорлар тараптардың мораторийге байланысты туындайтын сұрақтарына жауап берді. Сондай-ақ, жиында заңсыз тексерістер жүргізуді тоқтату жөнінде айтылды. Себебі, жыл басынан бері облыста 986 тексеріс тіркелген болса, оның 485-і жоспардан тыс жүргізілген.

Аслан Нұрғалиев, Облыстық прокуратураның ресми өкілі:

Негізінен жер заңнамасының, мемлекеттік бақылау және қадағалау заңнамасының, салық заңнамасының бұзылуына байланысты шағымданады. Қазіргі уақытта, прокуратура органдары аталған шағымдар бойынша жан-жақты тексерулер, нақты шаралар қабылдады.

Батырбек ҚУАНДЫҚҰЛЫ

Бөлісу