Алматыда жалған нөмірлі көлік жүргізушісі ұсталды

20.11.2017

Алматыда Абай даңғылының бойында орналасқан тұрғын үй кешенінде жалған нөмірлі көлік табылды. Ең қызығы, автокөлік иесі Біріккен Ұлттар ұйымының үлгісіндегі жалған нөмірді жапсырып алған. Қазір осы іске байланысты тергеу жүріп жатыр. Ал, құзырлы орган қызметкерлерінің сөзінше, бұл нөмірлер Қазақстанда емес, тіпті әлемде кездеспейді. Тек азаматтың мұндай қадамға не үшін барғандығы белгісіз. Бірақ, ол қылмысын толық мойындап отыр.

Салтанат Әзірбек, қалалық ІІД ресми өкілі:

- 1973 жылы туылған автокөлік иесіне Әкімшілік кодекстің екі бірдей бабы бойынша 70,000-ға жуық айыппұл салынды. «Toyota Land Cruiser» маркалы көлік арнайы айып тұрағына қойылды.

 

Лаура ҚУАНЫШҚЫЗЫ

Хабарламаларға жазылу