Қызылордадағы түзеу мекемесінде әлеуметтік жоба жүзеге асырылуда

Қызылордадағы  ЗК 169/5 түзеу мекемесінде «Қақпа алдындағы кездесу» әлеуметтік жобасы жүзеге асырылуда. Яғни, бас бостандығынан айырылған азаматтарды мемлекет  назарынан тыс қалдырмау үшін оларды оқыту, қайта даярлаудан өткізу шаралары жүріп жатыр.

Түзеу мекемесінен шықпас бұрын сотталушылардың мәселелері шешіледі. Төлқұжаты болмаса, құжат рәсімделеді, мамандығы жоқтар курстардан өтіп, диплом алады. Олардың қоғамға бейімделуіне мүмкіндік беріледі. Қазірдің өзінде  мұндағы жазасын өтеушілердің 70 пайызы жұмыспен қамтылған. Қамауда отырса да, жұмыс істеп, ақша тауып, отбасын асырауда. Олардың барлығы түрме ішіндегі кәсіптік колледжде арнайы білім алған.

Ақерке БЕРІКБЕКҚЫЗЫ