Агроөнеркәсіптік жобалар жүзеге асырылуы тиіс

Жаңаөзенде мұнай саласында ғана емес, агроөнеркәсіптік бағытта да іргелі жобаларды іске асыруға болады. Маңғыстау облысына жұмыс сапарымен барған Сенат депутаттары осыған көз жеткізді.

Олар жергілікті мәслихат депутаттарымен кездесуінде осы мәселеге көңіл аударуға шақырды. Яғни, өңірдегі өзге аудандарда жерді игеру ісі оңтайланып келеді. Сондықтан, диқандармен байланыс орната отыра, мемлекеттік субсидияны тиімді пайдалану жолдарын ойластыру керек.