Әсет Исекешев елордалықтар мен қала қонақтарын Астана күнімен құттықтады

Құрметті астаналықтар және қала қонақтары!

Сіздерді еңселі елордамыздың төл мерекесі – Астана күнімен құттықтаймын!

Астана күні - бүгінде барша Қазақстан халқы тойлайтын ортақ мереке. Елордамыз Тәуелсіздіктің жиырма бес жылдығына экономикасы қуатты, индустриялық-инновациялық әлеуеті нығайған қала ретінде жетіп отыр.

Елбасы Нұрсұлтан Назарбаевтың «Астана келбеті - ұлт келбеті» деген сөзі бар. Уақыт өткен сайын көркейген қаламыздан егемен еліміздің даму бейнесін көруге болады. Мұның бәрі - дұрыс ойластырылған жоспар мен қажырлы еңбектің, ұйымшылдық пен ішкі татулықтың нәтижесі.

Әрдайым атар таңымыз ашық, алатын асуымыз биік болғай!

Ізгі ниетпен,

Әсет Исекешев

Астана қаласының әкімі