Энергетика министрі Владимир Школьник Орал қаласына барды

Энергетика министрі Владимир Школьник Орал қаласында болып, КПО компаниясы іске асырып жатқан әлеуметтік жобалармен танысты.

Жер қойнауын пайдаланушы кәсіпорын 17 жыл ішінде 50-ге тарта нысанды тұрғызып, жөндеуден өткізген. Ондаған шақырым тасжол мен инженерлік желілерді жаңғыртуға қатысты.

Министр өткен жылы халықтың игілігіне берілген Қадыр Мырза Әлі орталығын аралап, қайта жаңғыртылған Деркөл өзеніндегі көпірді көрді.

Рауан ДИӘЛИ